Pavarësisht mijëra rasteve të reja që raportohen me Covid-19 në ditë, kryeministri spanjoll Pedro Sanchez të dielën njoftoi lehtësim të masave kufizueze për qytetarët.
Gjatë një konference për mediat ditën e Pashkëve, Sanchez paralajmëroi popullin spanjoll të tregojë kujdes, edhe pse shkalla e të infektuarve dhe viktimave si pasojë e koronavirusit vazhdon të ngadalsohet.
Ai theksoi se kërkon të jetë i qartë, por deklaroi se vendi nuk po hyn në një fazë të dytë të infeksionit dhe se gjëndja e alarmit vazhdon dhe për pasojë edhe bllokimi i përgjithshëm i vendit.
Sánchez tha se heqja e kufizimeve, disa prej të cilave do të fillojnë të hënën më 13 prill, do të jetë progresive dhe e matur.
Spanja ka qenë një nga vendet më të prekura nga pandemia e koronavirusit, me të paktën 166.831 infeksione dhe 17,209 viktima nga e diela e 12 prillit, sipas statistikave të Universitetit Johns Hopkins.
Kryeministri deklaroi se merr përgjegjësinë mbi furnizimin e pamjaftueshëm të pajisjeve mbrojtëse siç janë maskat, por sipas tij, e gjithë bota ishte e papërgatitur.
''Spanja ka filluar të garantojë sigurimin materialeve mbrojtëse dhe po merr hapa të tjerë për të mbrojtur personelin e kujdesit shëndetësor'', tha Sanchez.
Përballë kritikës në rritje nga partitë e tjera të qeverisë për trajtimin e koronavirusit, Sánchez gjithashtu bëri thirrje për një reagim politik të bashkuar, në Spanjë dhe në Europë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
