KLGJ merr vendimin, në 27 prill hapen gjykata

Këshilli i Lartë Gjyqësor ka vendosur sot ti japë fund periudhës së pezullimit të proceseve gjyqësore civile dhe penale në Shqipëri.

Gjatë diskutimit në mbledhjen e sotme, anëtarët e KLGJ vendosën të miratojnë fillimin e punës në sistemin gjyqësor në datën 27 prill 2020.

 Pikërisht në këtë datë të gjitha proceset gjyqësore penale dhe civile do të hapen për shqyrtim, por me kufizim për sa i përket pjesëmarësve.

Me këtë vendim e gjithë administrata gjyqëosre do dali në punë, me përjashtim të punonjësve që janë prekur nga virusi pandemic COVID-19 apo që kanë të afërmit e tyre të prekur dhe domosdoshmërisht duhet të qëndrojnë në karantinim të plotë.

Të gjitha proceset gjyqësore do të zhvillohen pa praninë e publikut, vetëm në prezencë të palëve dhe avokatëve mbrojtës.

Sigurisht që KLGJ ka urdhëruar që çdo gjykatë fakti dhe apeli duhet të marë masa për sa i përket dizifektimit të ambjenteve dhe krijimin e kushteve sanitare dhe tuneleve disifektuese në hyrjet kryesore të gjykatave.

Me çeljen e proceseve gjyqësore automatikisht fillon punën normalisht dhe prokuroria, e cila 90 për qind të punës së saj e ka me veprimtarinë e gjykatës.

“KLGJ vendos rifillimin e veprimtarisë dhe shërbimeve gjyqësore në të gjitha gjykatat e Republikës së Shqipërisë, më datë 27.04.2020. Ngarkohen këshillat dhe kryetarët në detyrë të gjykatave për marrjen e masave për rifillimin e veprimtarisë dhe shërbimeve gjyqësore, në përputhje dhe respektim të masave për kufizimin e përhapjes së COVID-19”, shkruhet në vendimin, që hyn në fuqi menjëherë.

Pezullimi i proceseve gjyqësore civile dhe penale u krye për një periudhë 2 mujore për shkak të virusit pandemik COVID-19.

Gjatë kësaj faze në gjykata janë zhvilluar vetëm procese emergjente që kishin të bënin me caktimin e masës së sigurisë të personave të arrestuar dhe procese gjyqësore që lidhen me pensionin familjar të fëmijëve.