Një 16-vjeçare është përdhunuar nga 30 burra në Izrael.
Ngjarja ka ndodhur në qytetin Eilat në brigjet e Detit të Kuq.
Mediat lokale shkruajnë se vajza ishte e dehur, ndërsa një nga të dyshuarit është arrestuar.
Mësohet se i dyshuari për përdhunimin e 16-vjeçares, zbuloi para hetuesve se 30 persona kishin abuzuar seksualisht me të.
Hetimet ende po vazhdojnë, ndërsa kamerat e sigurisë së hotelit, zbuluan një grup të madh personash në hyrjen e njërës prej dhomave.
Ngjarja ka tronditur vendin. Kryeministri Benyamin Netanyahu dënoi aktin, duke shkruar në profilin e tij në Tëitter: Një fakt tronditës, nuk ka fjalë të tjera. Nuk është thjesht një krim ndaj vajzës, por një krim kundër vetë njerëzimit, i denjë për çdo dënim. Ata që janë përgjegjës, duhet të paraqiten para drejtësisë.
Ministri i Mbrojtjes, Benny Gantz deklaroi: Çfarë lloj njerëzish janë.
Mësohet se përdhunimi në grup i 16-vjeçares ka ngjallur zemërim tek mijëra qytetarë, ndërsa të enjten në darkë u organizua një marshim i madh popullor në solidaritet me viktimën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
