Kanë mjaftuar pak minuta shi dhe stuhi pasditen e sotme në Elbasan që të shkaktojë probleme në rrugë.
Si pasojë e mbizotërimit të motit me stuhi të shoqëruar me erë të fortë në qytet janë shkulur pemë si edhe janë dëmtuar disa tenda biznesesh si edhe rrëzime të vazove nga ballkonet.
Fatmirësisht nuk ka patur persona te lënduar, ndërkohë po punohet për normalizimin e situatës së krijuar nga moti i keq.
Burime zyrtare nga bashkia e Elbasanit konfirmuan se nga ana e ekipeve të shërbimit zjarrfikës po punohet me intensitet të lartë në të gjitha zonat ku janë shkaktuar probleme nga moti i keq.
Ndërhyrjet emergjente paraprakisht janë përqendruar në zonat ku janë shkulur pemë të mëdha që kanë shkaktuar bllokim të qarkullimit në disa segmenteve rrugore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
