Pesë turistë të huaj janë bllokuar në kanionet e Nivicës në Tepelenë. Ngjarja është shënuar pak pas mesditës së sotme, ku turistët kanë zbritur me litar në thellësitë e kanionit dhe më tej kanë humbur kontaktet.
Forcat e Policisë së Mbrojtjes nga Zjarri dhe Shpëtimi (PMNZSH) së Tepelenës janë nisur në vendngjarje dhe po zbresin në kanion për të bërë të mundur shpëtimin e tyre.
Në ndihmë kanë shkuar dhe forca policore nga Gjirokastra të pajisur me dron.
Mendohet se turistët kanë ngecur në ujëvarën e Peshturës në kanionet e Nivicës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
