Ndonëse jemi në javën e dytë të muajit shtator, Shëngjini vijon të presë pushues të shumtë, ku dominojnë shqiptarët e Kosovës.
Pushuesit e konsiderojnë shtatorin si një periudhë mjaft ideale për të kaluar pushimet verore, pasi sipas tyre, mbizotëron pastërtia dhe qetësia.
Ata thonë se zona turistike në Shëngjin ka ndryshuar shumë dhe i ka përmbushur pritshmëritë e tyre.
Gjatë muajit shtator, çmimet në hoteleri dhe produktet e konsumit kanë pësuar një rënie, ndërsa operatorët turistikë thonë se shërbimet nuk do të mungojnë deri në largimin e pushuesit të fundit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
