Autoriteti Kombëtar i Ushqimit deklaron se beteja për të ndaluar dhe mposhtur përhapjen e mëtejshme të Covid-19, nuk do të ndalet deri në fitoren finale.
Nisur nga kjo, AKU kërkon në mënyrë rigoroze zbatimin dhe forcimin e masave të nxjerra për tregtarët e fruta-perimeve.
AKU, iu bën thirrje të gjitha subjekteve që tregtojnë fruta-perime të ndërmarrin në mënyrë të menjëhershme këto masa:
Të gjitha produktet e fruta-perime duhet të jenë të mbuluara me qese plasmasi të tejdukshme në mënyrë që të shmanget kontakti me spërklat e mundshme gjatë të folurës apo tështitjes së personave.
Të gjithë shitësit, por edhe konsumatorët të shmangin prekjen e drejtpërdrejtë me dorë të produktit. Zgjedhja dhe blerja e tyre do të bëhet vetëm nëpërmjet dorashkave njëpërdorimshme ose qeseve që shërbejnë për mbajtjen e produktit.
Këto masa, vijnë si rrjedhojë dhe nevojë e forcimit të mëtejshëm të masave të mëparshme të ndërmarra nga Autoriteti, me qëllimin e vetëm mbrojtjen e shëndetit dhe jetës së të gjithë konsumatorëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
