Nga sot në Kosovë ka filluar vaksinimi i profesionistëve shëndetësor me dozën e dytë të vaksinës AstraZeneca. Procesi i vaksinimit po mbahet në sallën “1 Tetori” në Prishtinë.
“Tashmë procesi i vaksinimit me dozë të dytë për profesionistët shëndetësor ka nisur”, ka thënë Niman Bardhi, menaxher i Qendrës së vaksinimit në Sallën “1 Tetori”.
Imunizimi i profesionistëve shëndetësor që sot po vaksinohen edhe me dozën e dytë të vaksinës, dozën e parë e kishin marrë më 29 mars të vitit 2021.
Ndërsa, aktualisht në Kosovë është duke vazhduar imunizimi i qytetarëve mbi moshën 65 vjeçare.
Kurse, javën që shkoi Kosova ka nënshkruar marrëveshje me kompaninë prodhuese Pfizer për blerjen e 1.2 milionë dozave të vaksinave anti-COVID.
Kosova, është duke vazhduar të vaksinojë qytetarët me dozat donacione të dhuruara nga COVAX dhe BE-ja për imunizim.
Kontrata me kompaninë Pfizer, është kontrata e parë që Kosova ka arritur të nënshkruajë me ndonjë kompani farmaceutike për sigurimin e vaksinave kundër Coronavirusit.
Ministri i Shëndetësisë, Arben Vitia ka paralajmëruar që nga 15 qershori do të nis vaksinimi masiv i qytetarëve të Kosovës.
Qeveria e Kosovës synon që deri në fund të vitit të vaksinojë 60 për qind të popullatës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
