Ka shkuar në mbi 100 numri i të helmuarve në Bulqizë. Shkaku i këtij helmimi dyshohet të jetë uji i pijshëm. Mes qytetarëve të helmuar ka burra, gra dhe fëmijë të cilët janë paraqitur në spital me të vjella dhe dhimbje barku.
Vetëm gjatë ditë së sotme, nga Spitali i Bulqizës, janë shënuar gjashtë raste të reja.
Nga ISHP në qytetin e Bulqizës, kanë njoftuar se epidemia në Bulqizë mund të jetë shkaktuar nga uji:
“Kemi pasur 82 raste të personave të shtruar në Spitalin e Bulqizës dhe atë të Peshkopisë. Këtë epidemi mund ta ketë shkaktuar uji. Është bërë kërkesë zyrtare te ISHP dhe nesër do të jemi përgjigje zyrtare se kush e ka shkaktuar helmimin e banorëve në Bulqizë. Kemi udhëzuar për momentin që uji mos të konsumohet”, deklaroi Rovena Daja, epidemiologe pranë ISHP.
Fluksi i pacientëve me shenja helmimi vjen nga lagjja e vjetër e qytetit të Bulqizës.
Përfaqësues të Institutit të Shëndetit Publik, rekomandojnë që banorët e Bulqizës të mos pijnë ujë nga çemzat, deri në përgjigjjen zyrtare të ISHP, për nesër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
