Kanë filluar aplikimet për dokumente biometrike në ishujt Kretë dhe Rodos ku jetojnë e punojnë shtetasit shqiptarë.
Këtë e ka njoftuar ministrja për Evropën dhe Punët e Jashtme, Olta Xhaçka sot përmes një postimi në rrjete sociale.
“Ekipi për realizimin e aplikimeve për rinovimin e dokumenteve biometrikë, do të gjendet në këta dy ishuj, në dy qendrat kryesore të tyre, sipas datave:
- Qyteti Iraklio, ishulli Kretë në datat 29 dhe 30 qershor 2021.
- Qyteti Rodos, ishulli Rodos, në datat 1 dhe 2 korrik 2021”.
Tashmë, të gjithë personat e interesuar duhet të dërgojnë në postën elektronike consulate.athens@mfa.gov.al kërkesën e tyre me subjekt “Aplikimet në ishull” si dhe të dhënat bazike.
Ministria e Brendshme në bashkëpunim me Ministrinë për Evropën dhe Punët e Jashtme, ka njoftuar ditë më parë hapjen e gjashtë zyrave të reja aplikimi për pasaporta dhe karta identiteti në disa shtete të botës.
Në bashkëpunim me Koncesionarin e prodhimi të dokumentave biometrike, përkatësisht zyrat janë hapur në Emiratet e Bashkuara Arabe, Kinë, Kanada, Australi, Brazil dhe Rumani.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
