Administrata e Ushqimit dhe Barnave në SHBA autorizon përdorimin e plazmës së gjakut të pacientëve që janë rikuperuar nga COVID-19 si një trajtim për ata të cilët janë të infektuar nga virusi.
Kjo teknikë përdor plazmën e gjakut të pasur me antitrupa nga njerëzit që janë shëruar tashmë nga sëmundja.
Një metodë e tillë është përdorur në mbi 70.000 njerëz në SHBA.
Presidenti Donald Trump tha se trajtimi me plazmë gjaku mund të zvogëlojë vdekjet me 35%.
“Jam i kënaqur të bëj një deklaratë historike në betejën tonë kundër virusit kinez, e cila mund të shpëtojë jetë të shumta. Administrata e barnave lëshoi një autorizim për përdorim emergjent të trajtimit të njohur si plazma konvulsive. Kjo është një terapi e fuqishme që transferon shumë antitrupa nga gjaku i personave të shëruar dhe që mund të ndihmojë të infektuarit”, tha Trump.
Por disa ekspertë kanë shprehur rezerva në lidhje me qëndrueshmërinë e studimeve për këtë trajtim.
E po ashtu lajmi bëhet me dije në prag të Konventës Kombëtare të Republikanëve, ku Trump do të emërohet si kandidat i cili do të garojë për një mandat të dytë në zgjedhjet presidenciale të nëntorit, ku do të përballet me demokratin Joe Biden.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
