Presidenti i Francës, Emmanuel Macron ka deklaruar se Franca e ka fituar betejën e parë me koronavirusin.
Përmes një fjalimi, drejtuar kombit francez ai theksoi se tani është koha për të ndërtuar një Europë të pavarur nga Kina dhe Shtetet e Bashkuara, duke shpallur “fitoren e parë” të vendit të tij kundër koronavirusit.
“Ky tundim ka treguar mangësi dhe dobësi: varësia jonë nga kontinentet e tjera në sigurimin e disa mallrave. E vetmja përgjigje është të ndërtojmë një model të ri, më të fortë ekonomik, dhe më shumë punë dhe prodhim në mënyrë që të mos jemi të varur nga të tjerët. Lufta kundër epidemisë nuk ka mbaruar, por jam i lumtur me këtë betejë të parë të fituar kundër virusit,” tha Macron.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
