E gjithë dogana e pikës së kalimit kufitar Tushemisht është karantinuar.
Mësohet, se të gjithë personat, personel dogane, policë dhe doganierë janë të izoluar në shtëpi.
Ndërkohë, në karantinë janë vendosur edhe stafi i njësisë së kujdesit shëndetësor që shërbente në këtë doganë.
Në total bëhen rreth 20 persona, 14 nga dogana dhe 6 nga stafi mjekësor. Deri tani nuk kanë simptoma.
Arsyeja e karantinimit është se djali i të moshuarve që dolën pozitiv në Korçë, punonte në këtë pikë kalimi kufitar.
Çifti, dyshohet se ishin infektuar nga mbesa e tyre e sapo ardhur nga Italia.
Ndërkohë burimet bëjnë të ditur se është karantinuar edhe një mjek në spitalin e Korçës që iu shërbeu pacientëve si edhe është bërë dezinfektim i spitalit.
Në Shqipëri, vijojnë të shtohen personat që kanë rezultuar pozitiv me virusin Covid-19, duke e çuar totalin e tyre në 104 raste.
Po ashtu ritme më të larta janë vërejtur dhe në shtrimet në spitalin infektiv, ku në 24 orët e fundit, u regjistruan dhe dy të sëmurë që humbën jetën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
