Shoferët e automjeteve të parkuara dysh nëpër rrugët e Tiranës, rrezikojnë deri në 3 vite burg. Drejtori i Policisë së Shtetit Ilir Proda paralajmëroi që për këto shkelje të qarkullimit rrugor, shoferët do të rrezikojnë burg.
Gazetari Besmir Pula, raportoi për “MCN Live” nga zona e “21 Dhjetorit” në kryeqytet se pavarësisht paralajmërimit se do të ketë përshkallëzim sa i takon masave, në terren parkimi dysh vazhdon.
Dënimi me tre vite burg është masa më maksimale e këtij kodi, por edhe nga praktika gjyqësore kemi parë gjoba të majme apo dërgimin e automjetit për bllokim apo masa të tjera administrative.
Qytetarët nuk ndihen të frikësuar dhe vijojnë ende parkimet dysh në rrugët kryesore të kryeqytetit. Madje dhe aktualisht drejtuesit e mjeteve nuk kanë hequr dorë nga parkimi dysh. Pjesa më e madhe e qytetarëve nuk janë në dijeni të kësaj nisme dhe masave të larta për parkimet.
Neni 293 i Kodit Penal
Pengimi i qarkullimit të mjeteve të transportit
Vënia e pengesave dhe ndalimi me çdo mjet e mënyrë i qarkullimit të mjeteve të transportit automobilistik, hekurudhor, ujor e ajror, dënohet me gjobë ose me burgim gjer në tre vjet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
