A të mjafton pensioni? Ja si u përgjigjën pensionistët në Shqipëri

A mjafton pensioni për një pensionist në Shqipëri? Ata vetë përgjigjen se është i pamjaftueshëm për të përmbushur nevojat bazë.

Sipas një ankete të studimit “Sistemi ekonomik dhe roli i shtetit në shoqëri”, publikuar nga Monitor, 89% e personave mbi 60 vjeç mendojnë se pagesa mujore e pensionit është e pamjaftueshme për të plotësuar nevojat e mbijetesës.

Rezultatet e studimit zbuluan se mbi 90% e pensioneve janë më të ulëta se paga minimale dhe minimumi jetik.

Sipas anketës:

89% e pensionistëve thanë: “pensioni është i pamjaftueshëm për të përballuar nevojat bazë”.

8%: janë disi dakord

4%: pensionet janë të mjaftueshme për plotësimin e nevojave bazë.

Studimi u realizua nga ekonomistët Selami Xhepa dhe Adrian Civici dhe u udhëhoq nga Fondacioni “Friedrich Ebert”.