Ministrja e Arsimit dhe Sportit Evis Kushi priti sot në një takim në ambientet e ministrisë Ambasadoren e Bashkimit Evropianm, Christiane Hohmann.
Gjatë takimit patën një diskutim në lidhje me përfshirjen e universiteteve shqiptare në Aleancat Evropiane të Universiteteve, si një mundësi e mirë për programe të përbashkëta dhe të dyfishta në kuadër të ndërkombëtarizimit të institucioneve shqiptare të arsimit të lartë.
Me anë të një postimi në rrjete sociale shprehet se gjithashtu gjatë takimit u fol edhe për Programin e BE-së Erasmus+, për të cilin ka nisur tashmë puna për anëtarësim të plotë në mënyrë që pedagogët, studentët dhe universitetet në Shqipëri të përfitojnë sa më shumë nga programet e shkëmbimit me universitetet më prestigjioze evropiane.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
