356 gjoba me vlerën 3 mijë lekë janë vendosur në 24 orët e fundit nga policia në të gjithë vendin për mos mbajtjen e maskave, që është e detyrueshme që prej të enjtes. Një masë e marrë nga qeveria shqiptare si pasojë e rritjes së numrit të personave të infektuar me koronavirus.
Sipas njoftimit të policisë ka patur një ulje të personave të cilët nuk mbajnë maskë në ambientet e hapura, si pasojë e sensibilizimit të tyre. Numri i atyre që kanë refuzuar të tregojnë identitetin ka qenë 7, e për rrjedhojë janë dërguar në komisariat ku pas marrjes së gjobave janë lënë të lirë.
Në katër ditë është kaluar numri i 1000 personave në toal të cilët kanë marrë gjobë, pasi nuk kanë përdorur maskën në ambiente të hapura.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
