Në një kohë kur vendi ndodhet në izolim, një protestë është mbajtur sot tek Liqeni Artificial në Tiranë pasi ky i fundit është mbyllur këtë fundjavë.
Anëtarë të shoqërisë civile kanë thyer me forcë perimetrin e Policisë dhe kanë hyrë të bëjnë shëtitje në Park. Ata kundërshtojnë bllokimin e Liqenit pasi sipas tyre, është e mundur të mbahet distanca sociale dhe mbi të gjitha vendimi nuk ka sens, pasi parku është i hapur në ditët e javës.
Policia nga ana tjetër është përpjekur t’i ndalojë por nuk ka mundur. Qytetarët kanë qenë familjarë apo të rinj që nuk kanë dashur bllokimin e Liqenit Artificial.
Ndërkohë gazetari dhe aktivisti, Erion Kristo, ka thënë se në urdhrin e firmosur nga Ministrja e Shëndetësisë, Ogerta Manastirliu, nuk thuhet që ndalohet të dilet në këtë ambient.
Sakaq, edhe pse këtë javë qeveria vendosi kufizimin e lëvizjeve, ku parashikohej që të dilnin pensionistët dhe prindërit me fëmijë deri në 14-vjeç, kryeqyteti sot ngjasoi me një ditë normale dhe lëvizje të të gjitha moshave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
