Një 32-vjeçar nga Belshi ka ndërruar jetë nga koronavirusi ditën e sotme. Mësohet se ai është Alban Hidri, i cili nuk mundi t’ia dalë në luftën me Covid.
Hidri ishte i shtruar prej disa ditësh në Sanatorium, por virusi kishte përparuar duke mos i lënë asnjë mundësi mjekëve.
Mësohet se i riu kishte patur më parë prindërit me koronavirus dhe i shoqëronte për në spital, ku dyshohet se është infektuar edhe vetë.
Në lidhje me këtë ka reaguar edhe kreu i PD-së së Belshit, Bedri Qypi pasi Hidri ishte sekretar i kësaj partie për fshatin Rrasë.
Ai është një ndër viktimat më të reja të koronavirusit në Shqipëri. Hidri nuk kishte asnjë sëmundje shoqëruese.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
