Në fillimin e vitit të ardhshëm vaksina kundër koronavirusit do të jetë gati.
Lajmi ka ardhur nga Sekretari i Shëndetësisë në Britaninë e Madhe, Matt Hancock.
“Kompanitë farmaceutike në të gjithë botën kanë punuar pa u lodhur për të prodhuar një vaksinë dhe Hancock sot pohoi se Britania e Madhe tashmë ka siguruar 30 milionë doza”, shkruan The Sun.
Në një intervistë në Radio LBC, Hancock tha se Britania e Madhe është përpara shteteve të tjera në prodhimin e vaksinës, por që do të duhet të pritet viti i ardhshëm.
“Ne kemi 30 milionë doza të kontraktuara tashmë me AstraZeneca, në fakt ata kanë filluar të prodhojnë dozat tashmë, përpara aprovimit. Në rastin më të mirë, ndodh që vaksina të jetë në gjendje këtë vit. Por, mendoj se më shumë ka të ngjarë të jepet në dispozicion në fillim të vitit të ardhshëm”, tha Sekretari i Shëndetësisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
