Reshjet e dendura të shiut që kanë përfshirë këtë të enjte vendin tonë, kanë shkaktuar problematika në disa qytete. Gjatë orëve të mbrëmjes, disa nga rrugët dhe kryqëzimet në Durrës, janë mbushur me ujë. Si pasojë, janë shkaktuar vështirësi në qarkullimin e automjeteve dhe këmbësorëve. Situata ka qenë problematike në zonën pranë stadiumit, te stacioni i zjarrfikësve, në lagjen 1, si dhe lagje të tjera më në periferi të qytetit bregdetar. Po ashtu, probleme janë raportur edhe në zonën e Maliqit në Korçë. Si pasojë e reshjeve të dendura, ujërat kanë vërshuar në rrugë, duke sjellë vështirësi në qarkullim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
