Kolagjeni është një proteinë që gjendet në sasinë më të madhe në trupin tonë dhe përbën rreth 30% të sasisë totale të proteinave.
Nutricionistja Matina Çobo, e ftuar në programin e mëngjesit “Zgjohu me MCN”, foli për rëndësinë e kolagjenit dhe përfitimet e tij për shëndetin tonë.
Ajo theksoi disa ushqime që janë burime të shkëlqyera të kolagjenit, duke përmendur lëkurën e peshkut dhe pulës, të cilat është e rëndësishme t’i konsumojmë gjatë ushqimit.
Kolagjeni është një bllok i rëndësishëm në ndërtimin e lëkurës, muskujve, kockave, tendinave, ligamenteve dhe indeve të tjera lidhëse. Ai gjithashtu gjendet tek organet, enët e gjakut dhe trakti intestinal.
Kolagjeni është një proteinë që përbën pjesën kryesore të indeve lidhës dhe është i domosdoshëm për strukturën dhe funksionin e lëkurës, thonjve, enëve të gjakut, kërcit, muskujve dhe indeve të tjera.
Pas moshës 25 vjeç, prodhimi i kolagjenit në trup fillon të bjerë në mënyrë natyrale, dhe ky proces pas të 40-ave fillon e shkakton humbje të elasticitetit të lëkurës, formimin e rrudhave dhe shfaqjen e problemeve të tjera si osteoporoza.
Kjo është arsyeja pse është e rëndësishme të stimulohet prodhimi i kolagjenit përmes një diete të pasur me ushqime të tilla si lëkura e peshkut, lëkura e pulës, dhe perime të pasura me vitamina dhe minerale.
Një nga mënyrat natyrale për të stimuluar prodhimin e kolagjenit është konsumimi i ushqimeve të pasura me vitamina C, si agrumet, speci, kivi, veza, frutat e thata dhe ushqime me omega 3.
Përveç kësaj, suplementet që përmbajnë kolagjen mund të ndihmojnë ata që vuajnë nga sëmundjet e kockave, artriti ose probleme të tjera të lidhura me kyçet dhe lëkurën.
Blogeri i ushqimit, Flavio Mato, solli një shembull personal për gatimin natyral të kolagjenit përmes kockave të mishit, të cilën ai e përdor në përditshmëri.
Mënyra ime e gatimit është duke përdorur kockat e këmbëve të viçit, të cilat janë një nga mënyrat më të mira për të marrë kolagjen natyral.
Unë e gatuaj këtë me perime si karotë, selino dhe erëza si dafinë dhe piper të zi. E lë të ziej deri në 6 orë, derisa kockat të shpërbehen dhe lëngu të bëhet i pasur me kolagjen.
Kjo është një metodë e shkëlqyer natyrale dhe, përveç përdorimit të saj si lëng, e shtoj edhe në supe herë pas here.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
