Kontrolli i Lartë i Shtetit ka realizuar një auditim përkitazi me këndet e lojrave në Tiranë, nga ku ka rezultuar se një pjesë e konsiderueshme këndeve nuk plotësojnë as standardet më minimale dhe janë tejet të amortizuara. Gjithashtu sipas KLSH-së, problem mbetet dendësia e fëmijëve për një kënd lojërash pasi rezulton që janë 4408 fëmijë që duhet të përdorin një kënd.
Në raport për “Parqet Rekreative në Tiranë -Këndet e Lojërave”, theksohet se prej vitit 2016 janë ndërtuar 26 kënde lojërash të rinj kryeqytet, por një pjesë e konsiderueshme nuk plotësojnë kushtet dhe kriteret duhura. Gjithashtu në raport thuhet se janë evidentuar kënde lojërash ekzistues të cilat janë plotësisht të amortizuar dhe nga ana e Agjencisë së Parqeve dhe Rekreacionit nuk është marrë asnjë iniciativë për riparimin dhe kthimin e tyre në gjendje funksionale.
Madje shumë shqetësues është fakti se 32 kënde lojërash të përfunduar dhe në proces, kanë një dendësi mesatare prej 4.408 banore të moshës 0-14 vjeç që shfrytëzojnë një kënd. Nisur nga këto konstatime Kontrolli i Lartë i Shtetit i kërkon Bashkisë së Tiranës të hartoj dhe miratoi një Plan minimalisht 3-5 vjeçar sipas rregullores dhe përgjegjësive, si edhe të ngrejë një grup pune, me synim studimin e hapësirave publike, të cilat do të jenë në funksion të komunitetit.
Po ashtu në raport theksohet se Bashkia Tiranë nuk ka një studim të mirëfilltë për hapësirën e parashikuar lidhur me parqet rekreative e veçanërisht për këndet e lojërave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
