Deputetët e Partisë Demokratike Luçiano Boçi dhe Lefter Gështenja kanë denoncuar publikimin e tezës së Maturës Shtetërore për Gjuhën Shqipe dhe Letërsinë.
Ata kanë publikuar foto të tezës në rrjetet sociale në një kohë kur maturantët po i nënshtrohen provimit teza publikohet në çdo rrjet.
Sipas Boçit dalja e tezës së provimit nga klasa vjen si rezultat i paaftësisë dhe korrupsionit njëkohësisht, të atyre që janë përgjegjës.
“Nuk kishte si të ndodhte ndryshe! Teza e maturës së Letërsisë përsëri del nga klasat, për shkak të paaftësisë dhe korrupsionit njëkohësisht, të atyre që janë përgjegjës. Për të mos u bërë pjesë e kësaj katrahure mature, vetëm për fakt, po postoj një fletë të provimit”, shkruan Boçi.
"Sot nga ora 10 00 deri në 12 30 maturantët po japin provimin e letërsisë! Edhe pse është totalisht e ndaluar para 1 ore ka dalë teza e provimit! Ky është arsimi që kemi ose "arsimi që duam" sot në Shqipëri", shkruan Gështenja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
