Sot në mbarë vendin për një sezon turistik të sigurt, u hapën 29 qendrat shëndetësore verore, ku për herë të parë përfshihet edhe testimi i shpejtë për çdo rast të dyshuar me Covid-19.
Ministrja e Shëndetësisë dhe Mbrojtjes Sociale, Ogerta Manastirliu thekson se do të jenë 170 mjekë dhe infermierë të mirëtrajnuar që do të ofrojnë shërbim për turistët gjatë sezonit veror.
Sipas saj, risia e këtij viti është së në këto qendra shëndetësore verore do të kryet dhe testi i shpejtë antiCovid për turistët që dyshohet të prekur nga ky virus.
Përveç 29 qendrave shëndetësore, Qendra Kombëtare e Urgjencës Mjekësore do të ketë poste fikse të autoambulancave përgjatë zonave turistike, për t’iu ardhur sa më shpejt në ndihmë pushuesve.
Qendrat shëndetësore verore janë të hapura në zonat turistike të vendit si Shëngjin, Ksamil, Himarë, Drimadhes, Rradhimë, Golem, Qeparo, Darzezë, Zvërnec, Divjakë, Tale, etj, për një sezon turistik më të sigurt.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
