Natën mes së shtunës, 24 tetor, dhe së dielës, 25 tetor, do të rikthehet zyrtarisht ora dimërore.
Në orën 03:00 të mëngjesit të së dielës, akrepat e orës do të kthehen një orë pas, duke shënuar orën 02:00.
Ky ndryshim do t'u mundësojë qytetarëve që të flenë një orë më shumë, por gjithashtu do të sjellë ditë më të shkurtra, pasi pasditave do të errësohet më herët, ndërsa në mëngjes do të ketë një orë më shumë dritë.
Pajisjet e teknologjisë si telefonat inteligjentë, kompjuterët, tabletët dhe rrjetet e lidhura me internetin do ta përditësojnë kohën në mënyrë automatike.
Ekspertët e shëndetësisë vënë në dukje se megjithëse ky kalim dhuron një orë gjumë shtesë natën e parë, ndryshimi i papritur mund të çrregullojë orën biologjike (ritmin rrethor).
Ora dimërore do të mbetet në fuqi gjatë gjithë muajve të ftohtë, deri në fundjavën e fundit të marsit të vitit të ardhshëm.
Natën mes 27 dhe28 marsit 2027, akrepat do të lëvizin sërish 60 minuta përpara për të rikthyer orën verore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
