Një festë familjare është shndërruar në një vatër infeksioni në Gjermani, ku 1700 persona janë izoluar si rezultat i kësaj feste, e cila deri më tani ka shkaktuar infektimin e 38 personave.
Historia e raportuar nga gazeta gjermane Bild duket e pabesueshme, pasi sipas asaj që është raportuar gjithçka ndodhi në qytetin Bielefeld në Nordrhein-Westfalen, ku u organizua një festë familjare në një apartament.
Mësohet se pas festës, disa nga pjesëmarrësit dolën pozitiv me koronavirus, duke i detyruar autoritetet të rindërtonin rrjetin e kontakteve të çdo personi të vetëm, i cili kishte marrë pjesë në festë.
Deri më tani, 38 persona kanë rezultuar pozitiv me Covid-19, ndërsa 1700 të tjerë janë vendosur në izolim.
Ndërkaq, bëhet me dije se edhe disa fëmijë morën pjesë në festë.
“800 nxënës dhe 125 mësues janë në karantinë”, deklaroi shefi i njësisë vendore të krizës.
Gjermania ka regjistruar një numër të infektuarish brenda 24 orëve, rreth 2 mijë, por kancelarja Merkel është e shqetësuar, pasi me këtë trend, deri për Krishtlindje mund të regjistrohen në ditë mbi 19 mijë raste me COVID.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
