Shërbimi Spitalor Klinik dhe Universitar i Kosovës ka bërë të ditur sot për një rast të rrallë operimi në Klinikën e Urologjisë të Qendrës Klinike Universitare të Kosovës, teksa mjekët, bashkë me ekipin e anesteziologëve, kryen një intervenim kirurgjik te një pacient, të cilit i janë hequr më shumë se 20 gurë në veshkë dhe kanalin urinar.
Pacienti S.M. i moshës 52-vjeçare ishte ankuar për dhembje në anën e majtë.
Ai pas operimit është liruar në gjendje të mirë shëndetësore.
“Në Klinikën e Urologjisë të Qendrës Klinike Universitare të Kosovës, mjekët, bashkë me ekipin e anesteziologëve, kryen një intervenim kirurgjik te një pacient, të cilit ia hoqën më shumë se 20 gurë në veshkë dhe në kanalin urinar. Pacienti me inicialet S.M., i moshës 52 vjeçare, kishte dhimbje në regjionin lumbal të anës së majtë për një kohë të gjatë. Pas intervenimit të suksesshëm dhe përfundimit të periudhës së hospitalizimit, pacienti është liruar për në shtëpi në gjendje të mirë shëndetësore”, njofton Shërbimi Spitalor Klinik dhe Universitar i Kosovës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
