Irani ka lëshuar një urdhër arresti për Donald Trump në lidhje me vrasjen e gjeneralit Qassem Soleimani, duke i kërkuar Interpolit ndihmë për ndalimin e tij.
Teherani i kërkoi Interpolit ndalimin e 36 personave, politikanë dhe ushtarakë të SHBA-ve, përfshirë në listë edhe presidentin amerikan.
Prokurori iranian Qasi Mehr tha se personat janë akuzuar për “vrasje dhe akte terroriste”, veçanërisht për vrasjen e Soleimani nga sulmi me dron i SHBA-së në Bagdad në janar.
Ndërkohë, sulmi ndaj Soleimani në 3 janar u justifikua nga Departamenti i Mbrojtjes i SHBA me arsyen se “synonte të pengonte planet e ardhshme të sulmit iranian”.
Megjithatë, Interpoli deklaroi se nuk do të përmbushë kërkesën iraniane për arrestimin e Trump.
Gjithashtu, sqaroi se kushtetuta i ndalon ata “të ndërmarrin çdo ndërhyrje ose veprimtari me karakter politik, ushtarak, fetar ose racor”.
“Nëse ndonjë kërkesë e tillë do t’i dërgohej Sekretariatit të Përgjithshëm, në përputhje me dispozitat e kushtetutës dhe rregullave tona, Interpoli nuk do t’i konsideronte kërkesat e kësaj natyre,” tha organi ndërkombëtar i policisë për “National”.
Ndërsa njoftimet e kuqe nuk janë detyruese, ato janë praktikë e zakonshme kur të arratisurit ose personat e dyshuar për krime ikin në kufij.
I dërguari special i SHBA për Iranin Brian Hook tha se urdhri ishte një marifet propagandistik që “askush nuk e merr seriozisht”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
