30 gusht, Dita Ndërkombëtare e të Zhdukurve

30 gushti shënon Ditën Ndërkombëtare e të Zhdukurve.

Dita ndërkombëtare e të zhdukurve (International Day of the Disappeared) është një ditë e përvitshme përkujtimore, në të cilën njerëzimi kujton fatin e njerëzve, që në kundërshtim me vullnetin e tyre janë zhdukur.

Kjo ditë synon të ndërgjegjësojë këtë problem global dhe nevojën për kërkime dhe mbështetje për familjet e të zhdukurve.

Luftërat, konfliktet, fatkeqësitë natyrore, aktivitetet kriminale dhe pasiguria politike janë vetëm disa nga faktorët që mund të çojnë në zhdukjen e personave. Fatkeqësisht, shumë nga këto raste nuk zgjidhen asnjëherë, duke i lënë familjet dhe miqtë në një gjendje pikëllimi dhe pasigurie. 

Dita Ndërkombëtare e Personave të Zhdukur fokusohet në nevojën për të hetuar, zgjidhur këto raste dhe për të ofruar mbështetje për familjet e të zhdukurve.

Kjo ditë shënohet edhe në Kosovë, duke përkujtuar të zhdukurit e luftës së vitit 1999, nga e cila 1600 persona figurojnë ende të zhdukur.