Nesër mbyllen lokalet dhe baret në të gjithë Shqipërinë

Kryeministri Edi Rama të shtunën ka publikuar masa të reja shtrënguese kundër përhapjes së koronavirusit në vend.

Përmes një shënimi në Facebook, Rama shkruan se nga nesër do të mbyllen të gjitha lokalet dhe mjediset e tjera në të gjithë Shqipërinë.

Gjithashtu paralajmërohen drejtuesit e mjeteve se nëse do të lëvizin pa një arsye pune atëherë do të dënohen deri me heqje të patentës 3 vjet dhe sekuestrim të automjetit

Lëvizjet e paautorizuara me automjet të kujtdo që nuk ka një arsye pune, sipas kategorive të funksioneve shtetërore apo shërbimeve private të autorizuara, do të dënohen me heqje të patentës 3 vjet dhe sekuestrim të automjetit!

Të gjitha kompanitë duhet të sigurojnë standardet e sigurisë kundër përhapjes së epidemisë në mjediset e tyre të punës. Në të kundërt do të përballen me sanksione të rënda