Shërohet një e moshuar 80-vjeçare nga Durrësi, duke fituar betejën e saj me Covid-19.
Lajmi është publikuar nga kryeministri Edi Rama. Ai tregon se nënë Haxhireja ka dalë negative në testin e kryer.
Në vendin tonë janë shëruar 44 persona të prekur nga koronavirusi, mes të cilëve 4 në 24 orët e fundit.
Lajmi i mire u bë me dije nga Albana Fico, nga Instituti i Shëndetit Publik në përditësimin e të dhënave më të fundit nga situata e koronavirusit në vend.
“Kemi 4 të shëruar në 24 orët e fundit dhe deri tani kemi 44 të shëruar”, u shpreh Fico.
Ndërkohë, ka shkuar në 223 numri i personave të prekur në Shqipëri, ku në 24 orët e fundit janë konfirmuar 11 raste të reja me Covid-19.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
