Qytetarë, studentë e pedagogë janë mbledhur mbrëmjen e sotme përpara Komisariatit Nr.1 të policisë në mbështetje të studentes dhe aktivistes Mirela Ruko, që i hodhi salcë në kokë ministres së Arsimit Lindita Nikolla në shenjë proteste për reformat e arsimit të lartë. Aktivistja Ruko u shoqërua në polici pas gjestit dhe nuk është liruar ende.
Qytetarë, studentë e pedagogë kanë kërkuar lirimin e saj.
“Përkundër temperaturave të ulëta, studentë, pedagogë, aktivistë e qytetarë vazhdojnë të qëndrojnë para komisariatit nr.1, pranë Ministrisë së Jashtme, duke kërkuar që aktivistja Mirela Ruko të lirohet prej ndalimit të padrejtë që i është bërë. Studentët në liri! Ministrja në qeli!”, shkruhet në faqen “Për Universitetin”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
