Sa kushton puna e papaguar e një babai?

Flitet shpesh për atë që quhet kontributi i papaguar i femrave në buxhetet familjare, që është në të vërtetë kolosal, por nuk flitet kurrë për kontributin përkatës mashkullor në formën e punës së papaguar. Një faqe në Itali, ProntoPro.it (e cila vë në kontakt kërkesën dhe ofertën për vendet e punës profesionale dhe artizanale) ka llogaritur se sa mund të jetë ky kontribut bazuar në normat aktuale; llogaritja bazohet ndoshta në një hipotezë disi bujare, sepse baballarët me kohë të plotë nuk janë aq shumë sa nënat me kohë të plotë.

Babai i marrë në konsideratë, në rastin e ProntoPro.it, është një tip ideal që punon gjatë gjithë ditës dhe kur kthehet në shtëpi, ai gjithmonë është i gatshëm të ndihmojë familjen e tij. Nëse një baba i tillë do të paguhej edhe për punën që kryen në shtëpi, vlera e kësaj pune do të ishte 2 800 euro në muaj.

Totali prej 2800 eurosh përllogaritet duke pasur parasysh një baba që i ngjan modelit të atij amerikan, i cili jo vetëm kujdeset për fëmijët, por di se si t'i argëtojë pasditeve dhe në raste festash - argëtues nga 120 euro; monitoron kryerjen e detyrave dhe vepron si mësues – rreth 20 euro në orë; transmeton vlerat e traditës përmes mësimeve të shkurtra por argëtuese - 50 euro në orë; ai punon si trajnues mendor dhe mentor në momentet më të vështira, duke stimuluar energjinë, idetë dhe përqendrimin - një konsultim ka vlerë rreth 300 euro, i shoqëron në shkollë dhe aktivitete - nga 150 euro në ditë - dhe e vë në dispozicion makinën e tij kur fëmijët i kalojnë 18 vjeç - makina me qira nga 50 euro në ditë.

Ndër detyrat e tjera që përmbushin baballarët dhe që nuk paguhen janë edhe punë të tjera që kryhen në shtëpi, të cilla si riparimi i mureve, dekorimi, montimi apo riparimi i mobiljeve, mirëmbajtja e aparatuarave dhe pajisjeve si p.sh. fshesat me korrent, printer, shtrydhësja, tosteri, hekuri apo punët në mjesidet e jashtme të shtëpisë, si kopshti.

Përllogaritja është bërë në bazë të standardeve të jetesës së një europiani. Ideja e një përllogaritjeje të tillë në Itali vjen në vigjilje të Festës së Baballarëve.