Që prej orës 15.00 të pasdites së sotme zona kodrinore e qytetit të Lushnjës është përfshirë nga zjarri.
Deri tani raportohet të jenë djegur plantacionet me ullinj e pemë frutore, varrezat e Karbunarës dhe shkurre e bimësi e thatë.
Ndërhyrja e zjarrfikëseve në terrenin kodrinor është e vështire ndaj u kërkua ndihma nga ajri.
Një helikopter ka fluturuar për dy orë rresht mbi qytet duke hedhur ujë pranë vatrave të mëdha të zjarrit të cilat rrezikuan shtëpitë e banorëve.
Flakët të ndihmuara nga era e fortë u përhapën nga Karbunara në kodrën e Vainit, ku dogjën vreshta dhe ullishte.
Shërbimi zjarrfikës i Lushnjës kërkoi ndihmë nga qarqet fqinje për t’u angazhuar në izolimin e përhapjes së zjarrit drejt lagjeve të qytetit ku rrezikohen banesat.
Deri tani kanë ardhur gjashtë zjarrfikëse të cilat po ndihmohen edhe nga banorët që kanë në pronësi sipërfaqet e djegura.
Nuk dihet ende shkaku i zjarrit, ndërkohë që policia ndodhjet në terren për të dokumentuar ngjarjen.
Momentalisht rreziku i përfshirjes nga zjarri i banesave në kodër ka kaluar, por po punohet për vënien nën kontroll të vatrave të mëdha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
