Në kuadër të nismës “Shkolla Qendër Komunitare”, nxënësit e shkollave 9-vjeçare dhe të mesme po ndjekin pasionet e tyre pas mësimit, ka bërë të ditur kryeministri Edi Rama.
Rama publikoi sot pamje nga momentet që këta nxënës kalojnë në shkolla në sporte të ndryshme.
“Mirëmëngjes dhe me energjinë e këtyre të rinjve, që ndjekin pasionet e tyre pas mësimit, pjesë e nismës “Shkolla Qendër Komunitare”, ndërkohë që përgatitemi për programin e lëvizjes sportive shkollore, që do të nisë nga viti i ardhshëm, ju uroj një ditë të mbarë”, theksoi Rama.
Nisma e MASH për zhvillimin e shkollave si qendër komunitare, ka në fokus veprimtaritë e shkollës nga më të ndryshmet: veprimtari për përforcim të të nxënit (konsultimet), veprimtari për pasurimin e zhvillimit akademik (kurse/klube), veprimtari për zhvillimin artistik, kulturor dhe sportiv, veprimtari për angazhimin dhe mbështetjen e familjes, veprimtari për angazhimin e komunitetit, seanca trajnimi për stafin, për përfaqësues të komunitetit etj.)
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
