Xhevahir Lleshi nga shtëpia botuese “Uegen” tha në “Mcn Informacion” se libri ka vdekur dhe ka ardhur koha që botuesit të ngushëllohen, ndonëse thotë se i vjen keq të bëjë këtë konstatim. Duke folur për Panairin e Librit, Lleshi e konsideroi një rrëmujë të bukur, një organizim në pajtim me rregullat e shoqërisë së spektaklit.
“Paniri i sivjetëm ishte një rrëmujë e bukur. Kishte një organizim interesant, në pajtim me të gjitha rregullat që kërkon shoqëria e spektaklit. Libri është kthyer në një bezdi për shumicën e njerëzve. Ka shumë njerëz që e duan librin, por që kanë edhe turp ta thonë. Ka ardhur koha që botuesit duhen ngushëlluar se libri ka vdekur. Mua më vjen keq, me vjen kaq keq sa nuk e merrni dot me mend. Kush interesohet për librin? Kush do ta marri librin? Bibliotekat që mungojnë? Gjeni një vend ju që mos ketë biblioteka shteti?! Ne s’kemi 30 biblioteka”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
