Rama: Gëzuar Abetaren e parë të unifikuar, për të gjithë nxënësit shqiptarë këtej e andej bjeshkëve

Nxënësit e klasës së parë në shkollat e dy shteteve, Shqipëri dhe Kosovë nga ky vit do të mësojnë me një abetare të përbashkët.

Prezantimin e Abetares së parë të unifikuar e ka përshëndetur edhe kryeministri Edi Rama, të cilën e cilëson si krijesë të bashkimit të vullneteve të qeverive të Shqipërisë dhe Kosovës, për të gjithë fëmijët e dy anëve të kufirit.

GËZUAR ABETAREN E PARË TË UNIFIKUAR, krijesë e bashkimit të vullneteve të qeverive të Shqipërisë dhe Kosovës, për të gjithë nxënësit shqiptarë këtej e andej bjeshkëve.

Përndryshe ministrja e arsimit, Evis Kushi informon sot se në datën 1 shtator, së bashku me homologen e saj nga Kosova, Arbërie Nagavci do të bëjnë prezantimin e parë të abetares unike për nxënësit e klasave të para.