Bullizmi, Kolaveri: Raportimet janë rritur me 66% në krahasim me një vit më parë (VIDEO)

<p>Serona Kolaveri, përfaqësuese e portalit “i sigurt.al”, analizoi në studion e MCN Informacion gjetjet e një raporti mbi sigurinë në internet. Kolaveri tha se në krahasim me një vit më parë ka një rritje të raportimeve me 66%.</p> <blockquote> <p><em>Ne kemi publikuar një raport për sigurinë në internet. Gjetjet janë interesante dhe njëkohësisht ngrenë edhe alarme. Është për të ardhur keq që është rritur numri i incidenteve me 66%. Kemi marrë mbi 400 raportime. </em></p> <p><em>Grupmoshat specifike që raportojnë në isigurt.al, fillojnë nga 15 deri në 19 vjeç. Krahasuar me 2023, është rritur me 12% numri i rasteve të raportuara nga grupmosha 11-12 vjeç. Duhet të jemi vigjilentë ndaj pasojave të këtij fenomeni. &nbsp;</em></p> </blockquote> <p>Kolaveri tha se mbetet shumë i rëndësishëm komunikimi prind-fëmijë.</p> <blockquote> <p><em>Ne marrim raportime edhe nga prindër. Kjo do të thotë që prindi ka një kujdes dhe ka zhvilluar një marrëdhënie me fëmijën. Mjedisi familjar është mjedisi më i rëndësishëm në trajtimin e një situate të tillë. Jo më kot, i mituri ka një moshë të përcaktuar juridikisht kur konsiderohet i rritur. Ka një arsye pse janë vendosur këta kufij. Prindi është elementi kryesor në mënyrën sesi një i rritur do të formohet. </em></p> </blockquote> <iframe width="560" height="315" src="https://www.youtube.com/embed/bHfsraAoD8g?si=n9ltvAmukOrAedLF" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>