Kreu i OBSH-së në Afrikë, Matshidiso Moeti deklaroi se nëse masat e marra kundër koronavirusit dështojnë në kontinent, atëherë brenda vitit të parë të infeksionit do të ketë rreth 190 mijë viktima.
Paralajmërimi i Moetit është bazuar në rezultatet e një studimi, i cili ka marrë si kampion një zonë prej 1 miliardë banorësh në 47 shtete afrikane, ndërsa parashikon se mund të infektohen rreth 29-44 milionë persona brenda vitit të parë.
Afrika është prekur nga virusi Covid-19, ndërsa kryesimin për numrin e të infektuarve e mban Afrika e Jugut, me 8 mijë e 200 raste si dhe 160 viktima.
OBSH e ka vendosur theksin te problemet e vendeve më të populluara të Afrikës, si Nigeria, Afrika e Jugut dhe Bregu i Fildishtë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
