Masat kufizuese në kuadër të frenimit të përhapjes së koronavirusit e kanë bërë të detyrueshme marrjen e një autorizimi për oraret e daljes nga shtëpia.
Por si veprohet në rastet kur dikush ka një urgjencë mjekësore dhe nuk e ka një autorizim të tillë?
Në studion e emisionit “Stay Tunned”, shefi i Qarkullimit Rrugor, Erion Ahmeti, sqaroi praktikën që është ndjekur në raste të tilla.
“Urgjencat janë paralajmëruar nga ana e drejtuesve të mjeteve, nëpërmjet numrave të kontaktit 112 apo 129. Nuk kanë pasur probleme, por janë ndihmuar. Edhe kur nuk e kanë pasur të mundur të njoftojnë, për shkak të fluksit, përsa kohë i është paraqitur punonjësit të policisë në pikën e kontrollit, Policia Rrugore e ka shoqëruar dhe nuk ka pasur probleme”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
