Inspektorati Kombëtar i Mbrojtjes së Territorit, në bashkëpunim me Inspektoratin e Mbrojtjes së Territorit në Vlorë, kanë ndërmarrë një aksion kontrollesh në disa kantiere ndërtimi në qytetin e Vlorës.
Aktualisht, inspektimet janë përqendruar në projektin e bulevardit të Agrumeve, ku po verifikohen nga afër punimet që po kryhen, si dhe dokumentacioni i firmës ndërtuese për ndërhyrjen në këtë zonë.
Burime nga terreni bëjnë me dije se kontrollet fokusohen veçanërisht në respektimin e kushteve të kantierit dhe të sigurisë teknike. Në rast të konstatimit të shkeljeve, paralajmërohet marrja e masave përkatëse ndaj subjektit përgjegjës.
Gjatë inspektimit në këtë projekt, janë evidentuar disa shkelje, për të cilat pritet të ndiqen procedurat ligjore dhe të vendosen sanksione.
Aksioni i IKMT dhe IMT pritet të vijojë edhe në ditët në vijim në kantiere të tjera ndërtimi në qytet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
