Qeveria italiane po planifikon të zgjasë gjendjen e jashtëzakonshme në vend, e cila i mundëson asaj qeverisjen me dekret, pa pasur nevojë për miratim parlamentar.
Mësohet se partitë opozitare e kanë kundërshtuar ashpër këtë vendim.
Ministri i Shëndetësisë, Roberto Speranza tha se një vendim i tillë do të merret vetëm pasi të kalojë në parlament.
Italia e shpalli gjendjen e jashtëzakonshme në janar të këtij viti, ndërsa afati i kohëzgjatjes së saj përfundon në fund të këtij muaji.
Një ligj i vitit 1992 thotë se “ekzekutivi mund të vendosë gjendjen e jashtëzakonshme pa miratimin e parlamentit, vetëm në rast të katastrofave natyrore ose ngjarjeve të tjera të rënda, të cilat kërkojnë mjete dhe fuqi të mëdha për përballimin e tyre”.
Një periudhë e tillë zgjat deri në 12 muaj dhe më pas mund të shtyhet dhe për një vit tjetër.
Kryeministri Italian, Konte është shprehur se gjendja e jashtëzakonshme hiqet vetëm atëherë kur shteti italian mund ta përballojë vetë gjendjen.
Ai mendon se Italia ende nuk ka fuqinë për ta përballuar e vetme një situatë të tillë.
Partitë opozitare e kanë kundërshtuar Presidentin. Drejtuesi i Legas, Matteo Salvini është shprehur se nuk ka një emergjencë shëndetësore dhe kushdo që dëshiron ta quajë të tillë është një armik i Italisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
