Pesëmbëdhjetë migrantë kanë humbur jetën tragjikisht, pasi u shtypën nga një tren mallrash në Indi.
Mësohet se emigrantët i kishte zënë gjumi mbi shina në Aurangabad dhe më pas, treni u ka kaluar sipër.
Mediat shkruajnë se grupi prej 20 personash, ishte duke udhëtuar në këmbë nga Jalna për në Bhusaval, një distancë prej 157 kilometrash.
Katër nga pesë personat e mbijetuar janë në gjendje shoku, ndërsa personi i pestë është shtruar në spital i plagosur.
Kryeministri i Indisë, Narendra Modi u shpreh shumë i hidhëruar për vdekjen e tyre.
“Shumë i hidhëruar nga humbja e jetëve të 15 personave, për shkak të aksidentit të rëndë hekurudhor në Aurangabad, Maharashtra. Ministri i Hekurudhave Shri Piyush Goyal, do të monitorojë nga afër situatën”, shkruajti në Twitter, Modi.
Policia vendase ka bërë me dije se emigrantët mund të kenë menduar se si pasojë e situatës së koronavirusit, trenat nuk qarkullonin më.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
