Kina ka raportuar një rritje të lehtë gjatë 24 orëve të fundit të personave të prekur nga Covid-19.
Lajmi është publikuar nga Komisioni Kombëtar i Shëndetësisë, i cili deklaroi se 46 persona u diagnostikuan së fundmi me koronavirus, 42 prej të cilëve ishin raste të importuara nga jashtë, pas hapjes së kufijve.
Sipas tyre, pjesa më e madhe e të infektuarve gjatë këtyre ditëve në Kinë janë raste të importuara dhe asimptomatikë.
Në deklaratën për shtyp komisioni shton se situata më problematike raportohet në provincën Heilogjiang, ku u konfirmuan disa raste të reja me Covid-19, të gjithë janë shtetas kinezë që hyjnë nga Rusia.
Në këtë provincë vetëm ditën e fundit hynë 22 persona të infektuar nga fqinji rus.
Aktualisht numri i personave të infektuar në Kinë ka shkuar në 81 953, ndërsa regjistrohen 3339 viktima.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
