Moti i keq ka pushtuar vendin tonë, ndërsa qarqet më të prekura nga reshjet e dëborës janë Korça, Dibra, Shkodra. Problemet më të shumta hasen në zonat rurale të këtyre qarqeve, ndërsa për lëvizje, automjetet duhet të pajisen me zinxhirë.
Prefekti i Qarkut Korçë është shprehur se njjë deklaratë për media se deri më tani situata është nën kontroll. Në terren kanë dalë borëpastrueset dhe policia.
Deklarata e plotë:
Kemi përballuar me sukses të gjithë situatën e sotme. Gjatë ditës pati problematika të vogla të cilat u zgjidhën dhe aktualisht në momentet që flasim kemi të gjitha akset nacionale të hapura dhe të kalueshne pa zinxhirë.
Borëpastrueset janë në gatishmëri, firmat e koktraktuara, policia dhe bashkitë. Në vazhdim janë marrë të gjitha masat për të përballuar edhe ngricat. Nuk kemi informacion të qartë për zonat rurale por sigurisht që situata është pak më e vështirë për shkak të mungesës edhe të infrastrukturës.
Ne kemi arrtiur një standard, i cili është se në rrugët nacionale të qarkut Korçë urdhëtohet pa zinxhirë, pra kemi përmirësuar nga viti në vit situatën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
