Pse s’duhet të përdorni hashash gjatë pandemisë

Nëse jeni duke pirë një cigare cannabis për të lehtësuar stresin gjatë izolimit nga koronavirusi, ekspertët ju këshillojnë ta mendoni dy herë.

Pirja e cigareve me cannabis mund të rrisë rrezikun për komplikime më të rënda nga Covid-19, duke ju bërë më të rrezikuar nga pandemia.

Një prej tyre është Dr.Albert Rizzo, ekspert i Shoqatës Amerikane të Mushkërive, i cili thekson se canabisi shkakton një lloj inflamacioni në rrugët e frymëmarrjes, një simptomë shumë e ngjashme me bronkitin, por më e rëndë se pirja e duhanit.

Sipas tij, nëse keni inflamacion në rrugët e frymëmarrjes dhe prekeni nga koronavirusi, mundësitë për të pasur komplikacione të rënda janë të mëdha.

Për zëdhënësin e Shoqatës Amerikane të Mushkërive, Mitchell Glass, gjëja e fundit që duhet të bëjë një person gjatë kësaj periudhe është shmangia e çdo lloj indikacioni që mund të ngatërrojë mjekët gjatë diagnostikimit të simptomave për Covid-19.

Pasi Covid-19 është një sëmundje pulmonare, tha Glass, dhe shumë prej mjekëve do të ngatërrohen pasi do mendojnë se aparati i frymëmarrjes është bllokuar nga cannabis dhe jo për shkak të infeksionit Covid-19.

Ai mendon se është shumë e rëndësishme që mjekët të bëjnë një vlerësim të shpejtë dhe të saktë me atë se çfarë po ndodh tek një pacient.

“Duke qenë se kolla e thatë është një nga shenjat kryesore të Covid-19, përdorimi i canabisit imiton simptomat e koronavirusit, duke e bërë më të vështirë gjetjen e diagnozës”, tha Glass.