Regjistrimet online për nxënësit që do të ndjekin klasën e parë dhe klasën e dhjetë në vitin e ri shkollor do të qëndrojnë të hapura deri më 31 korrik përmes platformës e-Albania.
Ministrja e Arsimit dhe Sportit, Mirela Kumbaro, u bëri thirrje prindërve që të mos e lënë procesin për ditët e fundit, por të kryejnë regjistrimin brenda afatit të përcaktuar.
"Regjistrimet online në platformën e-Albania për klasat e para dhe të dhjeta do të qëndrojnë të hapura deri më 31 korrik", u shpreh ministrja.
Sipas Kumbaros, ky afat u jep mundësi të gjithë prindërve dhe nxënësve të përfundojnë në kohë procedurat e regjistrimit për vitin e ri shkollor.
Procesi i regjistrimeve online ka nisur më 6 korrik dhe zhvillohet tërësisht përmes platformës e-Albania.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
