Italia po përgatitet të zgjasë gjendjen e jashtëzakonshme deri në 31 dhjetor. Asgjë nuk është konfirmuar ende, megjithatë ka qenë vetë kryeministri Conte që ka përhapur lajmin.
“Situata e deritanishme flet për zgjatjen e gjendjes së jashtëzakonshme. Kjo do të shërbejë për mbajtjen nën kontroll të virusit. Asgjë nuk është vendosur ende, por logjika po na çon në atë drejtim’’, u shpreh Conte.
Puna nga shtëpia do të vazhdojë, si për sektorin publik dhe atë privat. Ndërkohë pritet që gjithsesi shkollat në vjeshtë të hapen sërish.
Ky vendim bazohet nga parashikimet e Komitetit Shkencor Teknik. Ekziston një mundësi e madhe që në vjeshtë të përjetojmë një shpërthim të dytë dhe më të përhapur të pandemisë.
Ndërkohë Salvini i LEGA-s, shprehet i indinjuar se nuk mund të ketë më një izolim të dytë.
‘’Italianët kanë treguar bashkëpunim dhe tani ata duan të jetojnë e të punojnë. Liria nuk mund të anulohet me dekret".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
