Njё sitem i ri i kodit penal pёr tё mitur do tё vendoset nё funksion.
Lajmin e ka bёrё tё ditur, ministrja e Drejtёsisё Etilda Gjonaj nё njё postim nё llogarinё e saj nё Facebook.
“Kodi i Drejtësisë Penale për të Mitur, ka sjellë një zhvillim rrënjësor në trajtimin e të miturve në konfliktet me ligjin dhe të miturve viktima e dëshmitarë të veprave penale. Mbështetur në këto zhvillime është miratuar për herë të parë një strategji e mirëfilltë për të miturit”, thotё Gjonaj.
Kjo strategji parashikon ndjekjen e procesit të rregullt ligjor për të miturit, parandalimin e ri-përfshirjes në krime, rishoqërizimi, riintegrimi dhe rehabilitimi të tyre dhe forcimit të bashkëpunimit ndërinstitucional.
Ministria e Drejtësisë gjatë vitit 2018 nënshkroi shtatё marrëveshje bashkëpunimi me bashkitë kryesore në vend me qëllimin të vendosjes në dispozicion të qendrave sociale multidisiplinore për trajtimin e të miturve që bien në konflikt me ligjin.
Një studim i UNICEF zbuloi se Shqipëria mbetej vendi me përqindjen më të lartë të dhënies së dënimit me burg për fëmijët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
